Haryanvi Model Sheetal aka Simmi Chaudhary Murder Case: ਹਰਿਆਣਵੀ ਮਾਡਲ ਸ਼ੀਤਲ ਦੀ ਨਹਿਰ 'ਚ ਮਿਲੀ ਲਾਸ਼ Boyfriend'ਤੇ ਕਤਲ ਦਾ ਸ਼ੱਕ

ਸੋਨੀਪਤ (ਹਰਿਆਣਾ) — ਹਰਿਆਣਵੀ ਮਾਡਲ ਸ਼ੀਤਲ ਚੌਧਰੀ (ਜਿਸਨੂੰ ਲੋਕ ਸਿਮੀ ਚੌਧਰੀ ਦੇ ਨਾਂ ਨਾਲ ਵੀ ਜਾਣਦੇ ਸਨ) ਦੀ ਲਾਸ਼ ਸੋਨੀਪਤ ਦੇ ਖਰਖੌਦਾ ਇਲਾਕੇ ਦੀ ਨਹਿਰ ਵਿਚੋਂ ਮਿਲੀ ਹੈ। ਉਨ੍ਹਾਂ ਦੀ ਪਹਿਚਾਣ ਉਸਦੇ ਹੱਥਾਂ ਤੇ ਛਾਤੀ ਉੱਤੇ ਬਣੇ Tattos ਰਾਹੀਂ ਹੋਈ।

ਸ਼ੀਤਲ ਪਾਣੀਪਤ ਦੀ ਰਹਿਣ ਵਾਲੀ ਸੀ। ਸ਼ਨੀਵਾਰ 14 ਜੂਨ ਨੂੰ ਉਹ ਘਰੋਂ ਸ਼ੂਟਿੰਗ ਲਈ ਗਈ ਸੀ। ਮੌਤ ਤੋਂ ਥੋੜ੍ਹੀ ਦੇਰ ਪਹਿਲਾਂ ਉਸਨੇ ਆਪਣੀ ਭੈਣ ਨੇਹਾ ਨੂੰ ਕਾਲ ਕਰਕੇ ਦੱਸਿਆ ਸੀ ਕਿ ਉਸਦਾ ਬੁਆਏਫ੍ਰੈਂਡ ਉਸਨੂੰ ਜ਼ਬਰਦਸਤੀ ਲੈ ਜਾਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਤੇ ਉਸਨੂੰ ਕੁੱਟਿਆ ਵੀ ਹੈ। ਇਸ ਤੋਂ ਬਾਅਦ ਕਾਲ ਕੱਟ ਗਈ ਤੇ ਫਿਰ ਸੰਪਰਕ ਨਹੀਂ ਹੋਇਆ।

ਇਸ ਤੋਂ ਬਾਅਦ ਸੋਮਵਾਰ ਸਵੇਰੇ ਉਸਦੀ ਲਾਸ਼ ਮਿਲੀ । ਸੋਨੀਪਤ ਪੁਲੀਸ ਨੇ ਪੁਸ਼ਟੀ ਕਰ ਦਿੱਤੀ ਕਿ ਲਾਸ਼ ਸ਼ੀਤਲ ਦੀ ਹੈ। ਇਨ੍ਹਾਂ ਦੇ ਦਰਮਿਆਨ, ਬੁਆਏਫ੍ਰੈਂਡ ਦੀ ਕਾਰ ਵੀ ਐਤਵਾਰ ਸਵੇਰੇ ਦਿੱਲੀ ਪੈਰਲੇਲ ਕੈਨਾਲ 'ਚੋਂ ਮਿਲੀ। ਲੋਕਾਂ ਨੇ ਲੜਕੇ ਨੂੰ ਤਾਂ ਬਚਾ ਲਿਆ ਪਰ ਮਾਡਲ ਗੁੰਮ ਸੀ। ਭੈਣ ਨੇ ਗੁੰਮਸ਼ੁਦਾ ਦੀ ਰਿਪੋਰਟ ਦਰਜ ਕਰਵਾਈ ਤੇ ਕਤਲ ਦੀ ਆਸ਼ੰਕਾ ਜਤਾਈ।

ਸੋਨੀਪਤ ਦੇ ACP ਅਜੀਤ ਸਿੰਘ ਮੁਤਾਬਕ, "ਇੱਕ ਨੌਜਵਾਨ ਲੜਕੀ ਦੀ ਲਾਸ਼ ਖਰਖੌਦਾ ਦੀ ਨਹਿਰ 'ਚ ਮਿਲੀ। ਉਸਦੀ ਪਛਾਣ ਸ਼ੀਤਲ ਵਜੋਂ ਹੋਈ। ਪਾਣੀਪਤ ਦੇ ਉਰਲਾਣਾ ਕਲਾਂ ਥਾਣੇ 'ਚ ਗੁੰਮਸ਼ੁਦਾ ਦੀ ਰਿਪੋਰਟ ਦਰਜ ਸੀ। ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ।"

ਸ਼ੀਤਲ ਆਹਰ ਪਿੰਡ ਸ਼ੂਟਿੰਗ ਲਈ ਗਈ ਸੀ

ਨੇਹਾ ਨੇ ਦੱਸਿਆ ਕਿ ਸ਼ੀਤਲ ਉਸਦੇ ਕੋਲ ਹੀ ਰਹਿੰਦੀ ਸੀ ਤੇ ਹਰਿਆਣਵੀ ਐਲਬਮਾਂ ਦੀ ਮਾਡਲਿੰਗ ਕਰਦੀ ਸੀ। 14 ਜੂਨ ਨੂੰ ਉਹ ਆਹਰ ਪਿੰਡ ਸ਼ੂਟਿੰਗ ਲਈ ਗਈ ਸੀ ਤੇ ਉੱਥੋਂ ਮੁੜੀ ਨਹੀਂ। ਲੱਭਣ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਪਰ ਕੋਈ ਪਤਾ ਨਹੀਂ ਲੱਗਿਆ।

Model ਇੰਸਟਾਗ੍ਰਾਮ Photos

ਕਿਵੇਂ ਹੋਈ ਸੀ ਬੁਆਏਫ੍ਰੈਂਡ ਨਾਲ ਦੋਸਤੀ...

ਨੇਹਾ ਨੇ ਦੱਸਿਆ ਕਿ ਲਗਭਗ ਛੇ ਮਹੀਨੇ ਤੋਂ ਉਹ ਐਲਬਮਾਂ ਦੀਆਂ ਸ਼ੂਟਿੰਗ ਕਰ ਰਹੀ ਸੀ। ਕਰਨਾਲ ਦੇ ਮਾਡਲ ਟਾਊਨ ਵਿਖੇ ਹੋਟਲ ਸੁਕੂਨ 'ਚ ਵੀ ਕੰਮ ਕਰਦੀ ਸੀ ਜੋ ਇਸਰਾਣਾ ਦੇ ਸੁਨੀਲ ਦੀ ਮਲਕੀਅਤ ਹੈ। ਓਥੇ ਕੰਮ ਕਰਦਿਆਂ ਸੁਨੀਲ ਨਾਲ ਦੋਸਤੀ ਹੋ ਗਈ।

ਵਿਆਹ ਦਾ ਪਤਾ ਲੱਗਣ ਤੋਂ ਬਾਅਦ ਛੱਡ ਦਿੱਤਾ ਕੰਮ

ਨੇਹਾ ਅਨੁਸਾਰ, ਸੁਨੀਲ ਨੇ ਸ਼ੀਤਲ ਨਾਲ ਵਿਆਹ ਦੀ ਗੱਲ ਕਰਨੀ ਸ਼ੁਰੂ ਕਰ ਦਿੱਤੀ। ਪਰ ਬਾਅਦ 'ਚ ਪਤਾ ਲੱਗਿਆ ਕਿ ਸੁਨੀਲ ਪਹਿਲਾਂ ਹੀ ਵਿਆਹ ਕੀਤਾ ਹੋਇਆ ਹੈ ਤੇ ਉਸਦੇ ਦੋ ਬੱਚੇ ਵੀ ਨੇ। ਇਸ ਤੋਂ ਬਾਅਦ ਸ਼ੀਤਲ ਨੇ ਸੁਨੀਲ ਨਾਲ ਰਿਸ਼ਤਾ ਖਤਮ ਕਰ ਲਿਆ ਤੇ ਕੰਮ ਛੱਡ ਦਿੱਤਾ। ਪਰ ਸੁਨੀਲ ਫਿਰ ਵੀ ਪਿੱਛੇ ਪਿਆ ਰਹਿੰਦਾ ਸੀ।

ਸ਼ੂਟਿੰਗ ਵਾਲੀ ਰਾਤ ਘਟਨਾ ਵਾਪਰੀ

ਨੇਹਾ ਨੇ ਦੱਸਿਆ ਕਿ 14 ਜੂਨ ਦੀ ਰਾਤ 1:30 ਵਜੇ ਸ਼ੀਤਲ ਨੇ ਵਟਸਐਪ ਵੀਡੀਓ ਕਾਲ ਕੀਤੀ ਤੇ ਦੱਸਿਆ ਕਿ ਉਹ ਕੰਮ ਮੁਕਾ ਕੇ ਘਰ ਆ ਰਹੀ ਹੈ। ਉੱਥੇ ਸੁਨੀਲ ਵੀ ਪਹੁੰਚ ਗਿਆ ਸੀ। ਉਸਨੇ ਸ਼ੀਤਲ ਨਾਲ ਹੱਥਾਪਾਈ ਕੀਤੀ ਤੇ ਉਸਦੀ ਗਲ 'ਤੇ ਵੀ ਮਾਰਿਆ। ਉਨ੍ਹਾਂ ਨੇ ਉਨ੍ਹਾਂ ਨੂੰ ਜ਼ਬਰਦਸਤੀ ਆਪਣੇ ਨਾਲ ਲੈ ਜਾਣ ਦੀ ਕੋਸ਼ਿਸ਼ ਕੀਤੀ। ਸ਼ੀਤਲ ਨੇ ਆਖਿਆ ਕਿ ਕੁਝ ਸਮੇਂ ਵਿੱਚ ਘਰ ਆ ਜਾਵੇਗੀ, ਪਰ ਫਿਰ ਸੰਪਰਕ ਕਟ ਗਿਆ।

ਅਗਲੇ ਦਿਨ ਨਹਿਰ ਵਿੱਚੋਂ ਕਾਰ ਮਿਲਣ 'ਤੇ ਸਾਰੀ ਘਟਨਾ ਸਾਹਮਣੇ ਆ ਗਈ।