Himachal News: ਮਨਾਲੀ 'ਚ ਘੁੱਮਣ ਆਏ ਪਰਿਵਾਰ 'ਤੇ ਹਮਲਾ: 'ਇਹ ਪਾਕਿਸਤਾਨ ਤੋਂ ਵੀ ਖਤਰਨਾਕ' – ਪੀੜਤ ਦੀ ਰੋਹ ਕੰਬਾ ਦੇਣ ਵਾਲੀ ਵੀਡੀਓ ਵਾਇਰਲ

ਮਨਾਲੀ 'ਚ ਹਰਿਆਣਵੀ ਪਰਿਵਾਰ 'ਤੇ ਹਮਲਾ, ਪੀੜਤ ਦੀ ਦਰਦ ਭਰੀ ਗੁਹਾਰ – “ਇਹ ਪਾਕਿਸਤਾਨ ਤੋਂ ਵੀ ਖਤਰਨਾਕ ਹੈ”

ਮਨਾਲੀ | ਹਿਮਾਚਲ ਪ੍ਰਦੇਸ਼ ਦੇ ਮਸ਼ਹੂਰ ਸੈਲਾਨੀ ਸਥਾਨ ਮਨਾਲੀ 'ਚ ਹਰਿਆਣੇ ਤੋਂ ਆਏ ਇੱਕ ਪਰਿਵਾਰ 'ਤੇ ਹਮਲੇ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪਰਿਵਾਰ ਦੇ ਮਰਦ ਮੈਂਬਰ ਨੇ ਸੋਸ਼ਲ ਮੀਡੀਆ 'ਤੇ ਵੀਡੀਓ ਰਾਹੀਂ ਲੋਕਾਂ ਨੂੰ ਮਨਾਲੀ ਨਾ ਆਉਣ ਦੀ ਅਪੀਲ ਕੀਤੀ ਹੈ। ਉਸ ਨੇ ਕਿਹਾ, “ਮਨਾਲੀ ਵਿੱਚ ਕੋਈ ਸੁਰੱਖਿਆ ਨਹੀਂ। ਇਹ ਤਾਂ ਪਾਕਿਸਤਾਨ ਤੋਂ ਵੀ ਵੱਧ ਖਤਰਨਾਕ ਜਗ੍ਹਾ ਹੈ।”

ਪਰਿਵਾਰ ਨਾਲ ਕੀ ਹੋਇਆ?

ਪੀੜਤ ਪ੍ਰਦੀਪ ਆਪਣੀ ਪਤਨੀ, ਧੀ ਅਤੇ ਹੋਰ ਪਰਿਵਾਰਕ ਮੈਂਬਰਾਂ ਨਾਲ ਮਨਾਲੀ ਘੁੰਮਣ ਆਇਆ ਸੀ। ਸੋਮਵਾਰ ਨੂੰ ਉਹ ਸਕੂਟੀ ਕਿਰਾਏ 'ਤੇ ਲੈ ਕੇ ਮਿਸ਼ਨ ਰੋਡ 'ਤੇ ਗਏ। ਉੱਥੇ ਰਸਤੇ 'ਚ ਇੱਕ ਜੀਪ ਨੇ ਰਸਤਾ ਰੋਕ ਲਿਆ।

ਪ੍ਰਦੀਪ ਨੇ ਸਕੂਟੀ ਸਾਈਡ 'ਤੇ ਲਗਾਉਣ ਲਈ ਚਾਬੀਆਂ ਮੰਗੀਆਂ ਤਾਂ ਜੀਪ ਡਰਾਈਵਰ ਨੇ ਚਾਬੀਆਂ ਦੇਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਗੱਲ 'ਤੇ ਤਕਰਾਰ ਹੋ ਗਈ। ਦੋਹਾਂ ਧਿਰਾਂ ਵਿੱਚ ਗੱਲਾਂ-ਬਾਤਾਂ ਤੋਂ ਮਾਮਲਾ ਹੱਥਾਪਾਈ ਤੱਕ ਪਹੁੰਚ ਗਿਆ।

ਦੱਸਿਆ ਜਾ ਰਿਹਾ ਹੈ ਕਿ ਡਰਾਈਵਰ ਨੇ ਪ੍ਰਦੀਪ ਦੀ ਪਤਨੀ ਦੀਪਿਕਾ ਨੂੰ ਧੱਕੇ ਦਿੱਤੇ ਅਤੇ ਮੂੰਹ 'ਤੇ ਮਾਰੇ। ਇੰਨੇ 'ਤੇ ਹੀ ਗੱਲ ਨਹੀਂ ਰੁਕੀ। ਡਰਾਈਵਰ ਦੇ ਰਿਸ਼ਤੇਦਾਰ ਅਤੇ ਹੋਰ ਲੋਕ ਵੀ ਮੌਕੇ 'ਤੇ ਆ ਗਏ ਜਿਨ੍ਹਾਂ ਨੇ ਪਰਿਵਾਰ 'ਤੇ ਹਮਲਾ ਕਰ ਦਿੱਤਾ।

ਬੱਚੀ ਰੋੜ੍ਹੀ ਤੇ ਰੋ ਰਹੀ ਸੀ

ਪ੍ਰਦੀਪ ਨੇ ਦੱਸਿਆ ਕਿ ਉਨ੍ਹਾਂ ਦੀ ਚਾਰ ਮਹੀਨੇ ਦੀ ਧੀ ਵੀ ਨਾਲ ਸੀ ਜੋ ਹਮਲੇ ਦੌਰਾਨ ਰੋੜ੍ਹੀ 'ਤੇ ਰੋ ਰਹੀ ਸੀ।

“ਮੇਰੀ ਧੀ ਰੋ ਰਹੀ ਸੀ, ਪਰ ਲੋਕ ਕੁੱਟਮਾਰ ਕਰਦੇ ਰਹੇ। ਕੋਈ ਸਹਾਇਤਾ ਕਰਨ ਨਹੀਂ ਆਇਆ।”

ਉਹ ਦੋ ਵਾਰ ਮਨਾਲੀ ਪੁਲਿਸ ਕੋਲ ਵੀ ਗਿਆ , ਪਰ ਇਨਸਾਫ ਨਹੀਂ ਮਿਲਿਆ।

ਪੁਲਿਸ ਦੀ ਕਾਰਵਾਈ

ਮਨਾਲੀ ਪੁਲਿਸ ਨੇ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਮੁਤਾਬਕ ਹਮਲੇ ਦੇ ਆਰੋਪੀਆਂ ਵਿਰੁੱਧ ਕੇਸ ਦਰਜ ਕਰ ਲਿਆ ਗਿਆ ਹੈ ਅਤੇ ਜਾਂਚ ਜਾਰੀ ਹੈ। ਹਾਲਾਂਕਿ ਹਾਲੇ ਤੱਕ ਕਿਸੇ ਦੀ ਗ੍ਰਿਫਤਾਰੀ ਦੀ ਪੁਸ਼ਟੀ ਨਹੀਂ ਹੋਈ।

View this post on Instagram

A post shared by Chandigarh beautiful city (@chandigarh_beautiful__city)

ਵੀਡੀਓ ਹੋਇਆ ਵਾਇਰਲ

ਪ੍ਰਦੀਪ ਨੇ ਆਪਣੀ ਪਤਨੀ ਦੇ ਜ਼ਖ਼ਮ ਵਿਖਾਉਂਦੇ ਹੋਏ ਵੀਡੀਓ ਬਣਾਇਆ ਜੋ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਉਹ ਲੋਕਾਂ ਨੂੰ ਮਨਾਲੀ ਨਾ ਆਉਣ ਦੀ ਅਪੀਲ ਕਰ ਰਿਹਾ ਹੈ।

“ਤੁਸੀਂ ਮਨਾਲੀ ਆਉਣ ਦੀ ਸੋਚ ਵੀ ਨਾ ਕਰੋ। ਜੇ ਆਉਣੀ ਜ਼ਿੱਦ ਹੈ ਤਾਂ ਹਥਿਆਰ ਲੈ ਕੇ ਆਓ। ਇੱਥੇ ਨਾ ਪੁਲਿਸ ਸੁਰੱਖਿਆ ਹੈ, ਨਾ ਕੋਈ ਸਥਾਨਕ ਮਦਦ ਕਰਦਾ।”

ਇਹ ਮਾਮਲਾ ਸੈਲਾਨੀਆਂ ਦੀ ਸੁਰੱਖਿਆ ਉੱਤੇ ਵੱਡੇ ਸਵਾਲ ਖੜੇ ਕਰਦਾ ਹੈ।