Jalandhar Crime: ਜਲੰਧਰ ਦੇ ਸੁੱਚੀ ਪਿੰਡ 'ਚ ਖੌਫਨਾਕ ਹਮਲਾ: ਤਿੰਨ ਭਰਾਵਾਂ 'ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ, ਇੱਕ ਦੀ ਮੌਤ

ਜਲੰਧਰ ਦੇ ਸੁੱਚੀ ਪਿੰਡ 'ਚ ਤਿੰਨ ਭਰਾਵਾਂ 'ਤੇ ਹਮਲਾ, ਮਨਦੀਪ ਦੀ ਮੌਤ, ਦੋ ਹੋਰ ਜ਼ਖ਼ਮੀ

ਜਲੰਧਰ: ਰਾਤ ਦੇ ਸਮੇਂ ਰਾਮਾ ਮੰਡੀ ਥਾਣੇ ਹੇਠ ਆਉਂਦੇ ਸੁੱਚੀ ਪਿੰਡ 'ਚ ਪੁਰਾਣੀ ਰੰਜਿਸ਼ ਕਾਰਨ ਤਿੰਨ ਭਰਾਵਾਂ 'ਤੇ ਕੁਝ ਲੋਗਾਂ ਨੇ ਕਾਤਲਾਨਾ ਹਮਲਾ ਕਰ ਦਿੱਤਾ।

ਇਸ ਹਮਲੇ 'ਚ ਇੱਕ ਭਰਾ ਮਨਦੀਪ ਸਿੰਘ ਦੀ ਮੌਤ ਹੋ ਗਈ, ਜਦਕਿ ਦੋ ਹੋਰ ਭਰਾ ਮੁਕੇਸ਼ ਕੁਮਾਰ ਤੇ ਪਵਨ ਕੁਮਾਰ ਹਾਲੇ ਵੀ ਹਸਪਤਾਲ 'ਚ ਇਲਾਜਧੀਨ ਹਨ।

ਕਿਵੇਂ ਹੋਇਆ ਹਮਲਾ?

ਮਨਦੀਪ ਰਾਤ ਨੂੰ ਖਾਣਾ ਖਾਣ ਤੋਂ ਬਾਅਦ ਸੈਰ ਕਰਦਾ ਹੋਇਆ ਆਪਣੇ ਭਰਾ ਪਵਨ ਦੀ ਦੁਕਾਨ 'ਤੇ ਗਿਆ ਸੀ। ਉੱਥੇ ਉਹ ਆਪਣੇ ਦੋ ਭਰਾਵਾਂ ਅਤੇ ਪਿਤਾ ਜੈ ਰਾਮ ਨਾਲ ਬੈਠਾ ਸੀ।

ਇਸ ਦੌਰਾਨ ਕਾਲੀ ਸਕਾਰਪਿਓ ਕਾਰ 'ਚ ਆਏ ਪ੍ਰਿੰਸ ਨਾਂ ਦੇ ਨੌਜਵਾਨ ਨੇ ਆਪਣੇ ਸਾਥੀਆਂ ਨਾਲ ਮਿਲਕੇ ਮਨਦੀਪ 'ਤੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰ ਦਿੱਤਾ।

ਭਰਾਵਾਂ ਨੂੰ ਵੀ ਬਣਾਇਆ ਨਿਸ਼ਾਨਾ

ਮਨਦੀਪ ਨੂੰ ਬਚਾਉਣ ਆਏ ਭਰਾ ਮੁਕੇਸ਼ ਤੇ ਪਵਨ ਉੱਤੇ ਵੀ ਹਮਲਾਵਰਾਂ ਨੇ ਹਮਲਾ ਕੀਤਾ। ਹਮਲੇ ਤੋਂ ਬਾਅਦ ਸਾਰੇ ਹਮਲਾਵਰ ਸਕਾਰਪਿਓ 'ਚ ਸਵਾਰ ਹੋ ਕੇ ਮੌਕੇ ਤੋਂ ਭੱਜ ਗਏ।

ਹਸਪਤਾਲ 'ਚ ਦਾਖਲ, ਪਰ ਮਨਦੀਪ ਦੀ ਮੌਤ

ਤਿੰਨੋਂ ਭਰਾਵਾਂ ਨੂੰ ਲੋਕਾਂ ਦੀ ਮਦਦ ਨਾਲ ਹਸਪਤਾਲ ਲਿਜਾਇਆ ਗਿਆ, ਪਰ ਡਾਕਟਰਾਂ ਨੇ ਮਨਦੀਪ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ।

ਪੁਲਿਸ ਵੱਲੋਂ ਕਾਰਵਾਈ

ਪੁਲਿਸ ਨੇ ਹਮਲਾਵਰਾਂ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਹੈ ਅਤੇ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਜਾਰੀ ਹੈ।

News Covered By: mediasavera